Ամառային ուրախ, հավես օրերը շարունակվում են։ Այս շաբաթ աշխատելով ֆիզիկական միջավայրում իրականացրել ենք մի շարք հետաքրքիր նախագծեր։
Այս շաբաթվա ընթաքում իրականացրեցինք հետևյալ նախագծերը՝
13.07.2020—Նախավարժանք, խաղ-չլմփոցներ բաց լողավազանում
14.07.2020-Ծիսական երգեր
15.07.2020—Հետաքրքիր փաստեր անձրևի մասին
16.07.2020-Ուսումնասիրում ենք ջուրը
17.07.2020-Պատրաստում ենք խաչբուռ
Այսօր Արևմտյան դպրոց-պարտեզում Վարդավառի ծեսին ընդառաջ պատրաստեցինք Վարդավառի ծիսական խաչբուռը։ Սաները մեծ ոգևվորությամբ մասնակցեցին ծեսին, երգեցին ծիսական երգերը և պատմեցին ծեսի մասին։
Այսօր բացօթյա լողը կազմակերպեցինք լողի մարզիչի օգնությամբ։ Կատարեցինք նախավարժանք, իսկ հետո սաները մարզիչի օգնությամբ փորձեցին սովորել ճիշտ լողալ։
Այսօր երգի դաստիարակ ընկեր Սեդայի հետ երաժշտության պարապմունքը կրկին անցկացրեցինք լողափում։ Սովորեցինք ծիսական երգերը և շրխկանները փոխարինեցինք այլընտրանքային շրխկաններով՝ լողափի քարերով։
Ամփոփելով ամառային պարտեզի ուրախ և բովանդակալից շաբաթը իրականացրեցինք մի շարք հետաքրքիր նախագծեր՝ այց ագարակ, բացօթյա լող, փրփրատոն…
Այս շաբաթ իրականացրեցինք հետևյալ նախագծերը՝
Մեր ամառային լողափում փրփրատոն էր։ Սաների ոգևորությունը, հրճվանքը, բառերով նկարագրել անհնար է։ Մեզ մնում էր միայն տեսանկարահանել նրանց հավես փրփախաղը։
Այսօր բացօթյա լողը կազմակերպեցինք լողի մարզիչների օգնությամբ։ Կատարեցինք նախավարժանք, իսկ հետո լողավազանում կազմակերպեցին հետաքրքիր սպորտլանդիա։
Այսօր սաների հետ այցելեցինք ագարակ։ Ամեն անգամ այցելելիս դատարկաձեռն չենք գնում: Վերցնում ենք բանջարեղեններ և հաց, որպեսզի կերակրենք կենդանիներին։ Սաները շատ են սիրում մեր յուրօրինակ ագարակը։
Մեր նախակրթարանում,մեր ամեն օրը սկսվում է ծիսական եռուզեռով։Այսօր էլ բակում դիմավորելով սաներին, ջերմաչափեցինք և աղտահանեցինք ձեռքերը, այնուհետև ծիսական երգ ու պարով շարունակեցինք մեր օրը։
Մարիանա Դարբինյան 