Արտակարգ դրությունը չխանգարեց, որ ամառային շոգ օրերին մասնակցենք սեմինար-պարապմունքներին ։
Հունիսի 29-ից սկսեցի մասնակցել Հայկուհի Հովհաննիսյանի մարզական պարապմունքին 2 անգամ։
Ձիավարության պարապմունքին 2 անգամ։
Լողի սեմինարին մասնակցել եմ 9 անգամ։
Երաժշտաթատերական֊ համընկել է լողի պարապմունքի հետ, նախընտրել եմ լողը։
Բուժօգնություն-պարապմունք չեմ կարողացել մասնակցել, քանի որ աշխատել եմ ֆիզիկական միջավայրում։
Ես՝ Մարիանա Դարբինյանս, իմ գործընկեր Մարգարիտա Հեքիմյանի հետ միասին քննարկեցինք «Երեխայի զարգացման և խնամքի ծառայությունների մատուցման» պայմանագիրը և որպես առաջարկ կարող ենք ներկայացնել հետևյալը՝
.Հոգեբանի և լոգոպեդի ծառայություն։
.Երեխաների թիվը խմբում լինի 15-20։
.Ցանկալի է,որ լինի հեռուստացույց։
Այսօր Արևմտյան դպրոց-պարտեզում Վարդավառի ծեսին ընդառաջ պատրաստեցինք Վարդավառի ծիսական խաչբուռը։ Սաները մեծ ոգևվորությամբ մասնակցեցին ծեսին, երգեցին ծիսական երգերը և պատմեցին ծեսի մասին։
Այսօր բացօթյա լողը կազմակերպեցինք լողի մարզիչների օգնությամբ։ Կատարեցինք նախավարժանք, իսկ հետո լողավազանում կազմակերպեցին հետաքրքիր սպորտլանդիա։
Այսօր սաների հետ այցելեցինք ագարակ։ Ամեն անգամ այցելելիս դատարկաձեռն չենք գնում: Վերցնում ենք բանջարեղեններ և հաց, որպեսզի կերակրենք կենդանիներին։ Սաները շատ են սիրում մեր յուրօրինակ ագարակը։
Մեր նախակրթարանում,մեր ամեն օրը սկսվում է ծիսական եռուզեռով։Այսօր էլ բակում դիմավորելով սաներին, ջերմաչափեցինք և աղտահանեցինք ձեռքերը, այնուհետև ծիսական երգ ու պարով շարունակեցինք մեր օրը։
Այսօր սաների հետ այցելեցինք ագարակ։ Ամեն անգամ այցելելիս դատարկաձեռն չենք գնում: Վերցնում ենք բանջարեղեններ և հաց, որպեսզի կերակրենք և՛ կենդանիներին, և՛ թռչուններին: Սաները շատ են սիրում մեր յուրօրինակ ագարակը։
Այսօր երգի դաստիարակ ընկեր Սեդայի հետ երաժշտության պարապմունքը կրկին անցկացրեցինք լողափում։ Սովորեցինք ծիսական երգերը և շրխկանները փոխարինեցինք այլընտրանքային շրխկաններով՝ լողափի քարերով։
Արևմուտքում ծիրանահավաքը դեռ շարունակվում է։ Այսօր էլ առավոտյան ծեսը սկսեցինք բակի կարմրաթուշ ծիրանենիներից և բալենիներից քաղցրահամ մրգեր հավաքելով։ Սաները ոգևորված հավաքեցին և համտեսեցին։
Ամառային ուրախ, հավես օրերը շարունակվում են Արևմյան դպրոց-պարտեզում: Ամառային կիզիչ արև, գեղեցիկ ու հարմարավետ լողափ, ջուր ու չլմփոց: Այս ամենին է միանում նաև սաների խինդն ու ծիծաղը…ի՜նչ հաճելի է: Չարճճիություններով, ծափ-ծիծաղով ու մեծ ոգևորությամբ լողում են նախակրթարանի սաները և վայելում ամառային ջերմ եղանակը։
Մարիանա Դարբինյան 