Posted in Հաշվետվություններ, Ուսումնական նյութեր, Uncategorized

Հեռավար ուսոցման հաշվետու պատում. մարտ ամիս

 

received_806264499869400

Կորոնավիրուսի համաճարակը կանխելու նպատակով Կրթության  և Առողջապահության նախարարությունների համատեղ որոշմամբ հայտարարվեց՝ մեկ շաբաթով դադարեցնել մանկապարտեզներում և ուսումնական հաստատություններում աշխատանքները՝ մարտի 2-6-ը:

Շարունակել կարդալ “Հեռավար ուսոցման հաշվետու պատում. մարտ ամիս”

Posted in Հաշվետվություններ, Ուսումնական նյութեր, Uncategorized

Դաստիարակի հեռավար-առցանց ուսուցման պատում. Հաշվետվություն

 

Կորոնավիրուսի համաճարակը կանխելու նպատակով Կրթության  և Առողջապահության նախարարությունների համատեղ որոշմամբ հայտարարվեց՝ մեկ շաբաթով դադարեցնել մանկապարտեզներում և ուսումնական հաստատություններում աշխատանքները։

Սակայն դա չէր վերաբերվում «Մխիթար Սեբաստացի» կրթահամալիրին, քանի որ մենք շարունակում էինք մեր աշխատանքները առցանց՝ համագործակցելով ծնողների հետ՝ աշխատանքները համապատասխանեցնելով՝ ընտանեկան նախագծին։

Իհարկե մենք չէինք կարող իրականացնել հեռավար ուսուցումը առցանց, առանց ծնոցների համագործակցության, որի համար էլ շնորհակալություն ենք  հայտնում մեր սիրելի սեբաստացի ընտանիքներին։

Ծնողի կարծիքը առանց խմբագրման։

Արուսյակ  Սիմոնյան։

Հայստանում կորոնավիրուսի դեպքի գրանցումից հետո ՛՛Մխիթար Սեբաստացի՛՛ կրթահամալիրի տնօրինության որոշմամաբ մենք սկսեցինք առցանց ուսուցումը:
Բավականին հետաքրքիր մեթոդ է թե երեխաների, թե ծնողների համար: Այն բալիկները, ովքեր դեռ նախակրթարանում են, կամ դպրոցի 1,2 դասարաններում, կարծում եմ ծնողների գործը բավականին ժամանակատար է:
Մեծ աղջիկս սովորում է 1 դասարանում, իսկ2-րդ բալիկս՝ նախակրթարանում: Երկուսի հետ էլ պետք է զբաղվել և հասցնել կատարել առաջադրանքները: Անկեղծ ասեմ, ինձ դուր է գալիս այդ պրոցեսսը, բայց ինքս լինելով բացատրողի, հետևողի փոխարեն, ավելի սկսեցի գնահատել և ինձ համար նորանոր բացահայտումներ անել և վերագնահատել մեր ուսուցիչների աշխատանքը:
Օգտվելով առիթից շնորհակալություն եմ հայտնում մեր ուսուցիչներին իրենց նվիրումի և մեծ աշխատանքի համար:

Հեռավար ուսուցման առաջին օրը,Արևմտյան դպրոց-պարտեզի սաների համար մարզական էր։

Երկրորդ օրը, մեր սաները պատմում էին, թե ինչպես պաշտպանվել վիրուսներից։

Երրորդ օրը՝ ազգային երգը նկարներում։ Սաները ընտրում են ազգային երգերից որևէ մեկը և նկարում երգ-խաղերգի հերոսներին։

Չորրորդ օրը՝ հեքիաթասաց մայրիկ, տատիկ, պապիկ, հայրիկ։

Հինգերորդ օրը՝ իրականացնում ենք «Բնագիտական փորձերի շարք» ընտանեկան նախագիծը։

Հեռավար ուսուցման նախագծին 18 սանից մասնակցել են 10-ը։

 

 

Posted in Հաշվետվություններ, Uncategorized

Փետրվար ամսվա հաշվետվություն

received_183718016248317

Խաղում ենք Թումանյան

Նախակրթարանում Թումանյանական օրեր են։ Մեր սաների հետ սովորում ենք, հիշում ենք Թումանյանի հեքիաթները և բանաստեղծությունները՝ վերածելով ծափ-խաղերի և խաղերգերի։Սաների հետ կանգնեցինք շրջան՝ արտասանելով Թումանյանի «Աղվեսն եկավ» ստեղծագործությունը, որից հետո սաների հետ արտասանեցինք աղվեսի մասին հանելուկներ, քանի որ այսօրվա մեր թեման աղվեսն էր։

Հարցազրույց

Բարև ձեզ, ես «Մխիթար Սեբաստացի» կրթահամալիրի Արևմտյան դպրոց-պարտեզի նախակրթարանի դաստիարակ Մարգարիտա Հեքիմյանն եմ: Այսօր իմ զրուցակցի հետ կխոսենք Հովհաննես Թումանյանի ստեղծագործությունների, դրանց փոխանցման մեթոդների տարբերության և այլնի մասին: Մնացեք մեզ հետ:

Օրը Թումանյանի հետ

Ուսուցումը ավելի արդյունավետ է դառնում, երբ բանաստեղծությունը կամ հեքիաթը վերածում ես խաղի: Մենք, Հ.Թումանյանի «Ամպն ու սարը» բանաստեղծությունը վերածեցինք  երաժշտական խաղ-բեմադրության և սաների հետ խաղացինք։ Այնուհետև նստելով շրջանաձև՝ շարժումներով, ծափերով փորձեցինք մեր սովորած բանաստեղծությունը երգի տարբերակով ներկայացնել:

Շաբաթվա ամփոփում ֆոտոշարով

Շաբաթը սկսեցինք «Տեառնընդառաջ»֊ի ծիսական պատրաստություններով։ Նախակրթարանի սաներին պատմեցինք Տեառնընդառաջի տոնախմբության մասին` ասելով, որ դա հին հայկական տոն է, որի ժամանակ մարդիկ թռել են կրակի վրայով, հավատացել, որ կրակը վառում է բոլոր վատ բաները: Առաջին օրը զարդարեցինք տոնի ճյուղը ադիբուդիներով։ Գունավոր ժապավեններ կապեցինք ասելով այն, ինչ ուզում ենք, որ չլինի, որովհետև այրելով ժապավեն կապած ճյուղը՝ այրում ենք վատ բաները։ Հաջորդ օրը պատրաստեցինք տոնի տարոսիկները ադիբուդիներով, աղանձով:

Ագարակում պատրաստեցինք հյուրասիրության սեղան, նախապես պատրաստած` փոխինձով, հալվայով, աղանձով և գաթայով:

Այսպիսով հավաքվեցինք մեր սիրելի ագարակում։ Կրակի շուրջ մեծ շրջան կազմեցինք և երգի դաստիարակ ընկեր Սեդայի հետ երգեցինք տոնի երգերը: Շաղ տալով աղանձը՝ բարեմաղթանքներ ասեցինք, թռանք խարույկի վրայով։ Իսկ վերջում օգտվեցինք մեր իսկ պատրաստած հյուրասեղանի բարիքներից։ Վերադարձանք խմբասենյակ ուրախ, տպավորված, մեզ հետ խումբ բերելով խարույկի ծխի բույրը։

Թումանյանն ու մենք

Շնորհավոր ծնունդդ, ամենայն հայոց բանաստեղծ Հովհաննես Թումանյան։ Նախակրթարանի սաների այս անգամվա ռադիոթողարկումը նվիրված է Հովհաննես Թումանյանին։ Սաները արտասանում են նրա մանկական բանաստեղծությունները նվիրելով հենց նրան` մեծն Թումանյանին։

Ուսումնական նախագիծ

«Մայրենի լեզվի օրեր» նախագծի շրջանակներում նախակրթարանում իրականացրեցինք «Գիտե՞ս, արդյոք» հետաքրքիր հարցերով զրույց:

Թումանյանն ընտանիքում

Համով բլբլոց

Հարցազրույց